Komuniteti Shqiptare

Këngëtari dhe kompozitori Korab Shaqiri shumë shpejt u bë i njohur në estradën shqiptare. Ai deri më tani e ka treguar veten me këngë hite dhe me vlera. Erdhi si befasi në skenë duke pritur momentin e duhur. “Është fakt se kam pritur momentin e duhur nga këndi personal, që të arrij moshën e rritur ku zëri im do të ishte më i theksuar nuk do të kishte ndryshime që ndodhin aty tek vitet 18-20. Ne vetëm mund të themi se puna ime erdhi në kohën e duhur në momentet kur muzika tek ne ose të themi më mire kur audienca tek ne po ndikohet nga një muzikë pa vlera të mirëfillta”, thekson Korabi.

Ke filluar një karierë të suksesshme që në fillim, ke hasur deri më tani në ndonjë vështirësi?

Fillimisht duhet të them se në jetë është shumë normale nëse has në pengesa sepse po mos të ishin ato atëherë ne nuk do të kishim nxitje për të menduar që të jemi më të fortë se tani. Ndërsa sa i përket përgjigjes them se fatmirësisht JO, nuk kam hasur deri sot në ndonjë vështirësi në karrierë.

Mendon se është e mjaftueshme publikimi i tre videoklipeve sa për fillim?
Besoj që tashmë të gjithë e dinë se unë kam publiku edhe videoklipin e katërt të cilin e kam punuar me “Entermedian”, është një videoklip që ka lidhje të ngushtë me tekstin e këngës, është thjeshtë një videoklip ndoshta nga një aspekt më ndryshe se ato që i kemi parë deri sot. Është vizualizimi i këngës time më të re që titullohet “Flet ky qytet”, muzikën dhe orkestrimin e së cilës i kam bërë vet, tekstin babi ndërsa miksimin Xhevdet Gashi.

Të ka munguar ndonjëherë përkrahja e babait dhe familjes në përgjithësi? Sigurisht që ai është shumë krenar me ty?
Nuk më kujtohet ndonjë punë, ndonjë këngë apo diçka tjetër që kam bërë e që nuk kam pasur përkrahjen e familjes. Me të vërtet për gjithçka kam përkrahjen e tyre, babi mundohet të më këshilloj të më ndihmoj rreth teksteve, muzikës, orkestrimit, Drenasi vëllau i vogël me ndihmon me veshjet për videoklipe, për festivale apo ndonjë mbrëmje muzikore, mami është ajo që gjithmonë ndodhet në “prapaskenë” dhe që na jep mbështetje për gjithçka.

Keni edituar edhe albumin e parë, me kë ke bashkëpunuar, kush ka sponzoruar albumin dhe projektet në përgjithësi dhe si ka ecur shitja deri më tani, jeni i informuar mbi këto ngjarje?
Albumi i parë është edituar në muajin prill të këtij viti dmth tashmë kanë kaluar pothuajse 7 muaj. Tekstet janë pothuajse të gjitha të shkruara nga babi, një është nga unë (Puthja e hatrit) dhe një është nga Ilir Kabashi (Ku kam gabuar). Ndoshta ja vlen të ceket se nga informacionet që kam marr prej produksionit qysh në 5 ditët e para pas publikimit në treg të albumit, janë shitur mbi 1000 kopje.

Në disa intervista ke deklaruar se shumicën e kompozimeve i keni realizuar vet, mendon se është më mirë kur krijon dicka vet apo kur këtë gjë ia beson dikujt tjetër?
Gjithmonë mundohemi që në profesionin tonë ta gjejmë veten, gjithmonë mundohemi që atë çka interpretojmë të jetë ajo që neve na përshtatet 100% e kush do të mund të gjente më mirë këto sesa vetvetja. Nuk them se në të ardhmen nuk do të kem kompozim nga ndonjë kompozitor tjetër por tani për tani i bëjë vet ato sepse e dijë saktë se çka dua dhe si të thuri notat në pentagram në mënyrën më të mirë dhe më të përshtatshme për mua.

Nëse nuk gaboj je cilësuar si zbulim i vitit 2007\2008, të bën të ndihesh bukur kjo gjë?
Më jep shpresë dhe vullnet të punojë çdo ditë e më shumë që nesër pse jo të jem i cilesuar në diçka edhe më të lartë! Ndoshta më mirë do të thosha se më shtynë më shumë që të punoj më tutje, më bënë që të përkrah më shumë vlerat e jo komercialitetin, por pa dyshim se më bënë edhe të ndihem mirë.

Erdhe ashtu papritur dhe hyre në botën e muzikës, si duket ke pritur momentin e duhur?
Asnjëherë nuk mund të dihet sigurt se kur çka do të ndodhë. Ne mund të i parashikojmë gjërat dhe të kemi një mendim, mund të kemi një parashikim rreth gjërave që mendojmë të i bëjmë rreth asaj se ku mendojmë të arrijmë por asnjëherë nuk mund të themi se kemi pritur këtë ditë sepse e dija se në këtë ditë gjithçka do të jetë për mua. Është fakt se kam pritur momentin e duhur nga këndi personal, që të arrij moshën e rritur ku zëri im do të ishte më i theksuar nuk do të kishte ndryshime që ndodhin aty tek vitet 18-20.Ne vetëm mund të themi se puna ime erdhi në kohën e duhur në momentet kur muzika tek ne ose të themi më mire kur audienca tek ne po ndikohet nga një muzikë pa vlera të mirëfillta.

Ishe pjesmarës edhe në “Këngën Magjike” edicioni që kaloi, kënga u pëlqye shumë dhe tashmë në Kosovë është një hit i cili nuk u vlerësua në këtë festival, mendon se gjërat nuk rrjedhin ashtu si duhet, ka pasur manipulime këtu dhe a mendon të marish pjesë në ndonjë nga edicionet e rradhës?
Gjithmonë prioritet në punën time janë dy gjëra: Kënga të ketë vlera artistike dhe të i pëlqej publikut, këto janë dy gjërat që unë mundohem gjithmonë ti arrij të tjerat do të jenë një plus më shumë.

korab-shaqiri-newPërveç kompozimeve për vete, ju krijoni këngë edhe për këngëtarët tjerë, është lehtë të plotësohet dëshira e të gjithëve?
Po është e vërtet se përveç kompozimeve që bëjë për veten unë bëjë edhe për këngëtar të tjerë sidomos për ata të rinj. Kam studion time, aty kaloj edhe pjesën më të madhe të kohës sime ku mundohem të i përfundoj gjithmonë porosit që i kamë rreth muzikës, qofshin ato incizime të këngëve, kompozim i një kënge të re, një orkestrim, një miksim apo çka do qoftë, vetëm se për mua nuk është punë e lodhshme pasi edhe e kam profesion dhe më flenë në shpirt kjo punë.

Të ka ndodhur ndonjëherë që të të kthehet kënga pasi “x” këngëtari nuk e ka pëlqyer?
Do të ishte shumë normale po të ndodhte një gjë e tillë sepse ndodh nganjëherë që në veshin e atij këngëtari nuk fle ajo këngë sepse thash edhe ma herët se vetëm ne vet mund ta dimë saktësisht çka duam. Deri më sot jo, nuk kam pasur një rast të tillë.

Sigurisht që fama e babait të ka ndihmuar gjithmonë, të ndjek akoma hija e tij pas edhe pse ke filluar të njihesh në publik me emrin personal dhe jo më djali i Ilirit?
Hija gjithmonë të ndjek në rastet e këqija, gjithmonë për hijen flitet atëherë kur kemi frikë dhe nuk besoj se në këtë rast mund të themi ashtu. Sa do që të arrij karrierë të suksesshme, sa do që do të mbërrijë majat më të larta ndoshta, unë prapë do të mbetem djali i Ilir Shaqirit, unë prapë do të jem Korab Shaqiri sepse nuk mund të fshihet lehtë figura artistike, emri dhe vlerat që ka bë babi në muzikën shqiptare, kjo nuk është diçka që e them unë si djal i tij por është diçka që e kanë thënë njerëz të artit, shkrimet e tyre për babin mund të gjenden nga do, është diçka që e dinë shumë gjenerata.

Ndonjë punë e re që ka të bëj me muzikën që së fundi është duke punuar Korabi?

Më është ofruar një punë në cilësinë e kompozitorit për një kolonë zanore të një filmi me përmasa të mëdha i cili do xhirohet në Hollywood. Së shpejti pritet të aktualizohen gjërat…

Të kalojmë në dicka më personale, si kalon një ditë e Korabit jashtë aktiviteteve në studio që nga mëngjesi e deri në mbrëmje?
Nuk kam edhe shumë kohë të lirë përshkak se thash që pjesën më të madhe jam në studio, por atë pak kohë të lirë që e kamë gjithmonë mundohem që ta ruaj për në mbrëmje ku praktikoj të dal për kafe të shkoj tek lokali i një shokut tim, aty dal pijë kafe me shoqëri e mandej kthehem në shtëpi ku takohemi të gjithë antarët e familjes pasi që të gjithë jemi nëpër punë dhe diskutojmë rreth atyre se si kemi kaluar ditën çka ka pasur të re, etj.

Kohës së fundit jeta juaj private është vënë në qendër të vëmendjes,cka mund të na zbulosh dicka më shumë, ka hyrë dikush në zemrën e Korabit?
Mund të themi se jeta private e një fytyre publike gjithmonë ndodh që shtrembërohet, tregohet një pasqyrë e rreme, thënë shkurt gjithmonë lindin thashetheme në të cilat shumë rrallë gjejmë të vërteta. Nëse flasim për ndonjë lidhje, them se jo, ende nuk ka diçka të re rreth kësaj sfere tek unë.

Je fotografuar në pozicione të “pa lakmueshme” me modelen Arta Arifin, gjë që fansat komentojnë për një lidhje dashurie mes juve dyve, bëhu i sinqertë dhe shuaj kureshtjen e tyre cka të vërtetë këtu?

Pozicion i palakmueshëm mund të quhet ndoshta tek ne sepse diku tjetër jashtë vendit tonë është pozicion “normal” një fotografi shoqërore. I sinqertë kam qenë gjithmonë, asnjëherë nuk mundohem të maskoj diçka. Lidhur me këto fotografi që janë publikuar nëpër internet unë veç se kam bërë të ditur edhe më herët se ato fotografi janë bërë gjatë festës së ditëlindjes së një shoku, ku kam pas të ftuar shoqërinë time dhe me Arten kam thjeshtë vetëm mardhënie shoqërore, nuk kam asgjë më shumë.